უკანასკნელ პერიოდში პოლონურ პოლიტიკურ წრეებში, გარკვეული ძალების მიერ აქტიურად მუსირებს სპეკულაცია ე.წ. POLEXIT-ის შესახებ, თუმცა გაზეთ Rzeczpospolita-ს მიერ ჩატარებული გამოკითხვა ცხადჰყოფს, რომ პოლონელთა აბსოლუტურ უმრავლესობას პოლონეთისა და ევროკავშირის განქორწინების იდეა არ ხიბლავს.
მიმდინარე წლის 26-27 ოქტომბერს ჩატარებულმა კვლევამ დაადასტურა, რომ გამოკითხულთა დაახლოებით 84% ქვეყნის ევროგაერთიანებაში დარჩენას უჭერს მხარს და მხოლოდ 8,1% მიაჩნია, რომ ევროკავშირის დატოვება უკეთესი იქნება პოლონეთისთვის.
კიდევ ერთი კითხვა, რომელიც კვლევის ფარგლებში დაისვა, შესაძლო რეფერენდუმის შემთხვევაში, მოსახლეობის მონაწილეობის მზაობას ეხებოდა. გამოკითხულთა 90% განაცხადა, რომ BREXIT-ის მსგავსი რეფერენდუმის შემთხვევაში, აუცილებლად მიიღებდა მონაწილეობას.
აღნიშნული შედეგი ნათელი ილუსტრაციაა იმისა, რომ პოლონური საზოგადოება ერთ-ერთი ყველაზე „ევროოპტიმისტური“ და ევროპის ერთიანობის ერთ-ერთ უმთავრესი მხარდამჭერია რეგიონში.
გრიგოლ ჯულუხიძე
საგარეო პოლიტიკის საბჭოს მკვლევარი
The Foreign Policy Council 