სერბეთის ქალაქ მლადენცოვაში სამხედრო წვრთნების “სერბეთი-2018”-ის გახსნაზე, ქვეყნის პრეზიდენტმა ალექსანდრ ვუჩიჩმა ბელგრადის სამხედრო ნეიტრალიტეტის შესახებ ისაუბრა, – აღნიშნულთან დაკავშირებით, balkaneu იუწყება.
“სერბეთს სამხედრო ნეიტრალიტეტის შენარჩუნება სურს და ამავდროულად, ჯარის გაძლიერება. შესაბამისად, ოფიციალური ბელგრადი უარს აცხადებს ქვეყნის ჩრდილო-ატლანტიკურ ალიანსში (ნატო) გაწევრიანებას. ამავდროულად, ჩვენს პოზიციას მხარს უჭერს რუსეთის ფედერაცია. სერბეთი მომავალშიც გააგრძელებს თანამშრომლობას ნატო-სთან, რუსეთთან და ჩინეთთან”, – განაცხადა პრეზიდენტმა ვუჩიჩმა.
უახლესი გამოკითხვების თანახმად, მოსახლეობის 84% ეწინააღმდეგება სერბეთის ნატოში გაწევრიანებას, რაც 1999 წელს ნატოს მიერ ბელგრადის დაბომბვით არის გამოწვეული.
The Foreign Policy Council 