ნატოს გენერალური მდივანი, იენს სტოლტენბერგი თავის მიმართვაში მაკედონიის ნატოში გაწევრიანების შესახებ განცხადებას ავრცელებს.
“მაკედონიასა და საბერძნეთს შორის სახელწოდებასთან დაკავშირებით ისტორიული შეთანხმების მიღწევა, სკოპიეს გზას უხსნის გახდეს ჩრდილო-ატლანტიკური ალიანსის სრულუფლებიანი წევრი”, აცხადებს სტოლტენბერგი.
“ნატოს წევრობა მაკედონიას მისცემს შესაძლებლობას იყოს უსაფრთხო ქვეყანა, რაც მსოფლიოში ყველაზე წარმატებული ალიანსის წევრობით მიიღწევა. ამასთან ერთად, ქვეყანა მიიღებს თანაბარ ხმას ჩვენს დისკუსიებსა და გადაწყვეტილებებში”.
“დროა მაკედონიამ და მისხმა ხალხმა გააკეთოს არჩევანი. ნატოს კარი ღიაა და მხოლოდ ხალხი გადაწყვეტს როგორი მომავალი სურს. ჩვენ გელით ნატოში”, განაცხადა ნატოს გენერალურმა მდივანმა.
მაკედონიასა და საბერძნეთს შორის დავა ორ ათეულ წელზე მეტი გრძელდებოდა, რაც დამაბრკოლებელი ფაქტორი იყო სკოპიეს ევროპულ და ევრო-ატლანტიკურ სტრუქტურებში ინტეგრაციისთვის. მხარეთა შორის შეთანხმების თანახმად, მაკედონიას, მომავალში ჩრდილოეთ მაკედონია ეწოდება. აღნიშნულ საკითხთან დაკავშირებით, მაკედონიელი ხალხი 30 სექტემბერს რეფენდუმის გზით მიიღებს გადაწყვეტილებას, რაც ქვეყანას ევროკავშირსა და ნატოში გაწევრიანების მნიშნველოვანი სტიმულატორი აღმოჩნდება.
წყარო: EWB
The Foreign Policy Council 